Það hefur farið lítið fyrir vínsmökkun undanfarna daga, þrátt fyrir að ég sé í fríi þessa viku. Það er einna helst að góðvinur minn Ramos frá Portúgal fái að laumast í eitt glas á kvöldin. Vonandi verður gerð einhver bragarbót á því um helgina. Ég lenti í því um daginn að sláttuvélin mín bilaði en sem betur fer þá er hinn norski nágranni minn með talsverðan áhuga á vélum og mótorum og saman tókst okkur að koma sláttuvélinni í lag nú síðdegis. Að launum færði ég honum flösku af Seghesio Zinfandel 2007, sem er jú eitt af mínum uppáhalds vínum (sem eflaust hefur komið fram í fyrri færslum!).
Ég hef líka verið latur að vinna í bókinni undanfarna daga, en ákvað samt að skella inn einni grein um Rónardalinn hér á síðuna. Njótið vel!
Related posts:
