Nýtt frá Bertrand

Flestir viðskiptavinir vínbúðanna kannast sjálfsagt við nafn Gerard Bertrand.  Það eru allmörg vín frá þessum ágæta frakka fáanleg í vínbúðunum og yfirleitt nokkuð góð kaup í þeim.  Vín dagsins er nýtt í búðunum, en ólíkt flestum öðrum vínum Gerards þá flokkast það sem Vin de France, sem er lægst í virðingarstiganum.  Það þýðir þó ekki að hér sé eitthvað ómerkilegt vín á ferðinni – síður en svo – en samkvæmt þeim reglum sem gilda um franska víngerð þá er ekki annað hægt en að flokka vínið svona.  Hér er um að ræða lífrænt vín gert úr allmörgum þrúgum – Syrah, Grenache, Mourvedre, Cabernet Sauvignon, Merlot, Malbec og Marselan!  Vínið er látið þroskast í 15 mánuði í tunnum úr franskri eik áður en það er svo sett á flöskur.

Gerard Bertrand Kosmos Red Blend 2014 er rúbínrautt á lit, unglegt, ekki mikil dýpt.  Í nefinu finnur maður kirsuber, plómur, tóbak og krydd. Í munni eru ágæt tannín, fín sýra og sæmileg fylling, kirsuber og tóbak í ágætu eftirbragðinu. Einfalt og gott vín. 87 stig.

Einkunn Vínsíðunnar:
Þín einkunn:
[Alls: 0 Meðaltal: 0]
, ,

Allir athugasemdir vel þegnar!

%d bloggers like this: