Annars opnaði ég Penfolds Bin 28 Shiraz á föstudaginn og var nokkuð ánægður með það vín.  Mjög þétt, mikill lakkrís og plómukeimur, jafnvel ögn af anís.  Mikil fylling, gott jafnvægi og langt eftirbragð.  Góð Kaup.

Já, nú segja þeir að tvö hundruð þúsundasta vínsmakkið á vegum blaðsins muni brátt fara fram og líklega munu þeir gera sér einhvern mat úr því.  Til að fagna þessu hafa þeir þó ákveðið að opna aðgang að öllum víndómum sínum fram til 1. október n.k.  Maður þarf bara að skrá sig á síðunni til að fá fullan aðgang.

Ég notaði tækifærið til að skoða hvað innihaldið í vínskápnum mínum fær í einkunn:

• Penfolds St. Henri 2002 fær 93 punkta
• Penfolds St. Henri 2004 fær 90 punkta
• Tignanello 2005 fær 92 punkta
• Beringer Cabernet Sauvignon Private Reserve 2004 fær 93 punkta
• Tenuta dell’Ornellaia Bolgheri Superiore Ornellaia 2002 fær 90 punkta
• Purple Angel 2005 fær 91 punkt.
• Markus Molitor Riesling Auslese** Sonnenuhr 2005 fær 97 punkta! (fæ 3 flöskur á morgun!)

Sem sagt margt gott að hlakka til!

Fyrsta kvöldið borðuðum við á Clos Maggiore, frönskum stað við Covent Garden.  Staðurinn hefur viðurkenninguna Best of Award of Excellence (nr. 2 af 3) frá Wine Spectator og það leynir sér ekki.  Vínlistinn er frekar vínhandbók og sommelierinn er nokkuð góður (réttara sagt góð).  Frábær matur og Domaine Rene Monnier Mersault “Le Limozin” 2006 var frábært val hjá henni.

Annað kvöldið borðuðum við á Momo - marokkóskur staður í hliðargötu inn af Regent’s street sem var nokkuð erfitt að finna, þar sem gatan var ekki merkt inn á kortið okkar og þar að auki úrhellisrigning sem torveldaði leitina nokkuð.  Við fundum þó staðinn að lokum og getum nú vel mælt með staðnum - góður matur á góðu verði (sem þýðir a.m.k. rúmlega 120 pund fyrir þríréttaða máltíð með víni fyrir tvo).  Drukkum þar ágætis Chateauneuf du Pape en því miður man ég ekki lengur hvað það heitir.  Sennilega Momo’s special að kenna!

Smakkaði einnig ágætis Fois gras á litlum frönskum vínbar og með því minna spennandi hvítvín en það er alveg stolið úr mér hvað það var.

Síðasta kvöldið snæddum við á litlum og huggulegum ítölskum stað sem heitir Caramine, er staðsettur inn af Tottenham Court Road og alveg hægt að mæla með þeim stað.

Í Selfridges fæst auðvitað allt milli himins og jarðar og meira til.  Þar er svo auðvitað ágætis vínbúð þar sem auðvelt er að missa sig en það varð úr að 2 flöskur af Penfolds St. Henri 2002 og 2004 fengu að fylgja með heim

Nú hefur Ölvisholt Brugghús ehf. hafið útflutning á Skjálfta til Danmerkur.  Bjórinn mun fyrst um sinn verða fáanlegur í verslun Magasin du Nord og í verslunum Co-op undir nafninu Skælv, og mun í kjölfarið fara í dreifingu á landsvísu í Danmörku.

Þessi útflutningur er stórt skref fyrir Ölvisholt brugghús en ekki síður stórt skref í útflutningi íslendinga því þessi eini gámur sem fer núna í september 2008 er rúmlega 10% aukning á bjórútflutningi íslendinga. Ölvisholt brugghús mun á næsta ári bera höfuð og herðar yfir aðra bjórútflytjendur með 60-80% af útfluttum bjór íslendinga!

Ritstjóri Vínsíðunnar er síður en svo hissa á þessum fréttum, enda orðið vitni að þekkingu stjórnarformanns Ölvisholts Brugghúss á dönskum bjór á yngri árum!

Vínsíðan fagnar þessum merka áfanga og bíður nú þess að Skjálftinn verði fáanlegur í Svíþjóð (Skalv?).

Puttonyos er mælikvarði á sykurinnihaldið og er skilgreint skv. eftirfarandi töflu:

• 3 puttonyos - 60 g/L hið minnsta
• 4 puttonyos - 90 g/L
• 5 puttonyos - 120 g/L
• 6 puttonyos - 150 g/L
• Aszú-Eszencia - 180 g/L
• Eszencia - >450 g/L

Að mínu mati þarf gott Tokaj að vera 5 puttonyos hið minnsta og skv. því styð ég málstað Ungverja!

Þetta finnst mér hið besta mál, enda þýðir þetta að veitingastaðirnir leggja sig fram við að bjóða upp á góðan vínlista sem hæfir vel með þeim mat sem boðið er upp á og vonandi að fleiri staðir fylgi í kjölfarið - hvar eru t.d. Domo, Vox, Grillið, Holtið?  Reyndar athyglisvert þegar vínlistinn á t.d. Vox er skoðaður að álagningin er ansi mikil þarna - Rosemount GSM kostar 6.680 krónur sem er um 260% álagning miðað við útsöluverð í Ríkinu.  Takk fyrir!