by Eiríkur on 21. febrúar 2010
Í gær grillsteikti ég entrecote sem tókst ákaflega vel. Við keyptum nefnilega fjórðung af nautaskrokki í haust og þetta kjöt er alveg einstaklega gott – mun betra en það sem ég hef verið að kaupa hér úti í búð. Ég er líka loksins búinn að læra að nota grillpönnuna mína og nýti nú hvert tækifæri sem gefst til að grillsteikja! Með steikinni drukkum við Peter Lehmann Shiraz 2006, sem ég valdi sem vín ársins 2009.
Í kvöld ætla ég að elda Bolognese og spaghetti – Keizarinn kemur í mat. Með þessu er ég að hugsa um að taka fram eina Brancaia Tre…
by Eiríkur on 22. janúar 2010
Þrátt fyrir að það væri bóndadagur í dag þá kom það samt í minn hlut að sjá um matinn í kvöld – ekki það að ég hafi neitt á móti því, enda kann ég vel við mig í eldhúsinu! Ég eldaði roastbeef með sveppasósu, salati og kartöflum og var bara nokkuð ánægðum með útkomuna (kjötið var kannski aðeins of lengi í ofninum, því eldri dótturinni (sem verður 8 ára eftir viku) fannst kjötið ekki nógu rautt). Með þessu drukkum við Port Phillip Estate Shiraz 2006, en það kom í kassa sem ég pantaði rétt fyrir jól frá Antipodes wines. Þetta vín kemur frá Victoria í Ástralíu, nánar tiltekið frá Mornington-skaga nálægt Melbourne. Vínið fékk að liggja 16 mánuði í tunnum úr franskri eik og það leynir sér ekki, hvorki í lykt né bragði! Vínið er nokkuð dökkt eins og shiraz á að vera, unglegt með sæmilega dýpt. Í nefinu er franska eikin mjög áberandi ásamt rósmarín og vott af vanillu og lakkrís. Í munni finnur maður áfram fyrir eikinni en einnig smá pipar og rósmarín. Þokkaleg fylling. Eftirbragðið kryddað og heldur sér þokkalega. Einkunn: 7,0.
Það bíður mín kassi af Brancaia Tre 2007 í vínbúðinni minni og ég hef hugsað mér að sækja hann á morgun. Þá verða vínkælarnir mínir komnir í einstaklega gott ástand og hætt við að ég þurfi að fara að leita mér að stærri vínkæli…
