by Eiríkur on 5. maí 2010
Um síðustu helgi langaði okkur í rifjasteik. Svona alvöru steik sem er mjúk og safarík, en samt svo vel elduð að það nægir að hrista steikna pínulítið, þá skilja beinin sig frá kjötinu! Ég keypti því fullt af svínarifjum sem ég henti inn í ofn í nokkra klukkutíma. Svo bjó ég til gómsæta grillsósu til að bera fram með rifjunum. Sósan er reyndar samkvæmt uppskrift í Grillbók Hagkaupa en ég ákvað síðar um kvöldið að verkefni sumarsins verður að þróa mína eigin grillsósu.
Keizarinn og Dr. Leifsson mættu í mat ásamt spúsum sínum og voru bara nokkuð ánægðir með veitingarnar. Með rifjunum drukkum við Montecillo Rioja Crianza 2006 sem var bara nokkuð gott. Sólber, pipar, smá leður og óvenjumikill eikarkeimur reyndar fyrir Crianzavín. Létt tannískt, góð fylling og þétt eftirbragð. Einkunn: 7,5 – Góð Kaup!
by Eiríkur on 15. janúar 2010
Undanfarin ár hafa verið góð fyrir spænska vínframleiðendur sem og unnendur spænskra vína. Nánast allir árgangar síðan árið 2000 hafa verið mjög góðir, einkum í Ribera del Duero og Priorat. Rioja hefur einnig fengið sín góðu ár, en 2002 var þó nokkuð lakari þar en í hinum héruðunum. Penedés og Navarra hafa einnig verið nokkuð góð undanfarin ár. Nú fara 2007-vín (og sum 2008) að birtast í hillum vínbúðanna og líkt og undanfarin ár er þetta mjög góður árgangur, einkum í Priorat og Ribera del Duero. Í Rioja er hann góður en ekki í alveg sama gæðiflokki og í hinum héruðunum. Okkur hafa staðið til boða góð vín á góðu verði, og nánast verið hægt að ganga að gæðunum vísum í flestum spænskum vínum undanfarin ár, og það er ekki útlit fyrir neina breytingu á því.
Héraðið Toro er gamalt vínræktarhérað sem lengi hefur staðið í skugganum af þekktari héruðum Spánar. Það hefur þó fengið mikla andlitslyftingu undanfarin ár og víngerð þar hefur tekið miklum framförum. Fremstur í flokki er framleiðandinn Numanthia-Termes, en vínið Termes 2005 fær 96 punkta hjá Wine Spectator og er í öðru sæti á topp 100-lista ársins. Enn sem komið er eru fá vín þaðan fáanleg í Systembolaget (flest á sérpöntunarlista), og engin fáanleg á Íslandi.
Að lokum læt ég fljóta með árgangstöflur Wine Spectator fyrir Ribero del Duero, Rioja og Priorat.
| Árgangur |
Priorat |
Ribera del Duero |
Rioja |
| 2007 |
84-87
|
85-88
|
83-86
|
| 2006 |
89
|
90
|
88
|
| 2005 |
93
|
95
|
92
|
| 2004 |
93
|
96
|
93
|
| 2003 |
91
|
94
|
87
|
| 2002 |
90
|
87
|
84
|
| 2001 |
95
|
93
|
93
|
| 2000 |
92
|
92
|
85
|
