Posts tagged as:

Vín ársins

Vín ársins!

by Eiríkur on 10. janúar 2010

Jæja, þá er komið að því að útnefna vín ársins 2009.  Nokkuð mörg vín komu til álita að þessu sinni, flest þeirra í ódýrari kantinum, enda árið 2009 sannkallað kreppuár hjá neytendum en góðæri hjá mörgum framleiðendum sem hingað til hafa einkum framleitt vín í ódýrari kantinum.

Amalaya de Colomé 2007 kemur frá Calchaqui-dalnum í Argetínu, blanda Malbec, Cabernet Sauvignon, Syrah og Tannat.  Dökkrautt og fallegt vín, áberandi plómur, lakkrís og kúrennur.  Ódýrt og gott vín. Einkunn: 8,5 – Frábær kaup! (Verð 1990 ISK / 82 SEK)

Antinori Tignanello 2006 er frábær ofur-Toskani, og 2006-árgangurinn einn sá allra besti í sögu Tignanello.  Dökkrautt með mikla dýpt, þéttur ilmur af sólberjum og kaffi ásamt örlitlum ávaxtakeim.  Mikil og góð fylling, mikil en þó mjúk tannín og dásamlega langt eftirbragð.  Einkunn: 9,0 – Góð Kaup! (Verð 6699 ISK (Fríhöfn) / 499 SEK)

Dr. Loosen Riesling QbA Mosel-Saar-Ruwer Dr. L 2008 er létt og skemmtilegt riesling-vín, hálfsætt með keim af mangó og apríkósum.  Ódýrt og skemmtilegt vín.  Einkunn: 8,5 – Frábær Kaup! (Verð – ISK / 79 SEK)

Bodega Catena Zapata Malbec Mendoza 2007 er pottþétt vín frá Argentínu með angan af kaffi, dökku súkkulaði og hindberjum, ásamt vott af plómum.  Góð fylling og eftirbragð.  Einkunn: 8,5 – Frábær Kaup! (Verð 2697 ISK / 119 SEK)

Vín ársins 2009 er hins vegar Peter Lehmann Shiraz Barossa 2006. Þetta er frábært vín með plómum, sólberjum og kirsuberjum, ásamt vott af súkkulaði og tóbaki.  Góð fylling, mikil tannín til staðar en í góðu jafnvægi við sýruna.  Langt og gott eftirbragð.  Einkunn: 9,0 – Frábær Kaup! (Verð 2698 ISK / 119 SEK)

Peter Lehmann Shiraz 2006

{ 0 comments }

Jólaævintýri ritstjórans

by Eiríkur on 7. janúar 2010

Við brugðum undir okkur betri fætinum og héldum til Íslands yfir jól og áramót – í fyrsta skipti síðan 2002 að við höldum jól og áramót á Íslandi.  Ferðin var þó hálf endasleppt því ég var kominn með hita nóttina fyrir brottför, var hundslappur um morguninn og nánast eins og liðið lík þegar við lentum á Íslandi.  Síðan lá ég í bælinu yfir jólin og endaði að lokum á sjúkrahúsi með veirusýkingu í hjartavöðvanum!  Ég var þó útskrifaður rétt fyrir áramót (rétt slapp við hjartaþræðingu!) og náði að fagna áramótunum á Selfossi hjá mömmu og pabba.  Það voru þó ekki mikil hátíðahöld hjá mér en þó snöggtum skárra en að vera á sjúkrahúsi yfir áramót! Ferðin heim var öllu þægilegri og nú þarf ég bara að taka því rólega næstu vikurnar.

Ég náði þó að kaupa mér pínulítið rauðvín í Fríhöfninni (tvær Tignanello, tvær Les Tourelles de Longueville og eina Peter Lehmann Mentor).  Nú ætla ég að reyna að taka saman árið 2009 á Vínsíðunni og útnefna vín ársins.  Líkt og áður hefur enginn komið með tillögu að víni ársins þannig að ég hef nokkuð frjálsar hendur með þetta.  Svo er ég að hugsa um hvort ég eigi að breyta aðeins einkunnagjöfinni hjá mér, kannski að færa hana í svipaðan stíl og Wine Spectator eða amaroneguiden.se, jafnvel með einhverri grafík fyrir hverja umsögn.  Allar athugasemdir um þetta eru vel þegnar.

{ 0 comments }

Vín ársins 2009

11.20.2009

Þá er það ljóst – vín ársins 2009 hjá tímaritinu Wine Spectator er Columbia Crest Columbia Valley Cabernet Sauvignon Reserve 2005!  Þetta er tiltölulega ódýrt vín frá “venjulegum” bandarískum framleiðanda, sem hingað til hefur verið þekktur fyrir góð vín á góðu verði.  Hann hefur ekki verið að gera neina “blockbusters” hingað til en kannski verður [...]

Lesa meira →

Topp 100: Sæti 6 – 10

11.18.2009

Hér eru vínin sem lentu í sætum 6 – 10 á topp-100 lista Wine Spectator:
6. Chappellet Cabernet Sauvignon Napa Valley Signature 2006 (Bandaríkin, Kalifornía) – 94 punktar ($42) – “Assertive herb, anise, blackberry and wild berry fruit is tight, firm, tannic and well-structured, picking up depth and length on the finish. Best from 2010 through [...]

Lesa meira →

Drífa sig að panta!

11.17.2009

Já, nú er sko að drífa sig að panta réttu vínin áður en topp-100 listinn verður gerður opinber.  Ég pantaði mér einu flöskuna sem fáanleg var í Svíþjóð af Landmark Syrah Sonoma Valley Steel Plow 2006, sem fékk 94 punkta og endaði í 19. sæti.  Ég reyndi að panta mér einu flöskuna sem átti að [...]

Lesa meira →

Vín ársins 2009

11.15.2009

Í næstu viku mun Wine Spectator hefja niðurtalninguna í útnefningunni á Víni Ársins 2009.  Opinberlega verður byrjað að telja niður á miðvikudag, þegar vínin í sætum 10-6 verða tilkynnt og á fimmtudag verða vínin í sætum 5-2, en sem áskrifandi að winespecator.com fæ ég upplýsingar á mánudag.  Fjallað verður um niðurtalninguna hér á Vínsíðunni og [...]

Lesa meira →

Smakkarinn.is velur vín ársins

01.14.2009

Stefán Guðjónsson á smakkarinn.is er einn af helstu vínsérfræðingum Íslands og hann hefur tilnefnt vín ársins 2008 – Chateau Lagrange 2004:

Þá er komið að besta víninu sem ég smakkaði árið 2008! Vínið kemur frá einu besta ef ekki besta og þekktasta  vínræktar svæði heims, Bordeaux. Þeir sem þekkja mig vita að ég [...]

Lesa meira →

Vín ársins 2008

01.02.2009

Carmenére var talin útdauð í Chile eftir að rótarlúsin phylloxera barst þangað um 1880.  Árið 1993 fannst Carmenére þó aftur í Chile og það er enn sem komið er eina landið þar sem þrúgan er ræktuð í einhverju magni.  Á síðustu árum hafa komið fram mörg vín byggð á Carmenére, sum hver ansi mögnuð.  Þar [...]

Lesa meira →

Jólavínin

12.31.2008

Í ár brugðum við út af venjunni með jólamatinn okkar.  Við vorum orðin þreytt á þungum og reyktum jólamatnum og vildum prófa eitthvað annað.  Niðurstaðan varð kalkúni sem lagður var í kryddaðan saltpækil og tókst alveg frábærlega vel.  Forrétturinn var risahörpuskel með balsamvinaigrette að hætti Gutta.  Mamma og pabbi hafa verið hjá okkur yfir jólin [...]

Lesa meira →

Vín ársins

11.12.2008

Wine Spectator er nú byrjað að birta vínin á topp 10 á hinum árlega lista sínum yfir 100 bestu vín ársins.  Nú hafa verið birt hvaða vín lentu í sætum 7-10.
Í 10. sæti er Seghesio Zinfandel Sonoma County 2007, 93p/24$.
Í 9. sæti er Mollydooker Shiraz McLaren Vale Carnival of Love 2007, 95p/90$.
Í 8. sæti er [...]

Lesa meira →

← Previous Entries